ශිෂ්ය ශිෂ්යාවන් පිළිපැදිය යුතු නීති රීති
- දිනපතා පෙ.ව. 7.30 ට පෙර පාසල් භූමියට පැමිණිය යුතු අතර පංති කාමරය හා අවට පිරිසිදු කළ යුතුය.
- නොපැමිණි දිනවල ඊට හේතු දක්වා ශිෂ්ය වාර්තා පොතේ අදාළ ස්ථානයේ සටහන් කරගෙන ආ යුතුය.
- හදිසි අසනිපයකදී හෝ භාරකරුගේ ඉල්ලීමකදී හැර වෙනත් අවස්ථාවලදී පාසලට පැමිණි පසු යළි බැහැරව යාමට ඉඩ දෙනු නොලැබේ.
- පාසලේ අනුමත නිල ඇඳුමින් පාසලට පැමිණිය යුතුය.
- පාසල තුළදීත් ඉන් පිටතදීත් නිරතුරුවම ආචාරශීලීව හැසිරිය යුතුය.
- නිරතුරුවම විදුහල්පතිතුමා ඇතුළු ආචාර්ය මණ්ඩලයේත්, විද්යාලයේත්, තමාගේත් ගෞරවය රැකෙන පරිදි කටයුතු කළ යුතුය.
- පාසල සතු දේපළ ආරක්ෂා කළ යුතු අතර අනවසරයෙන් ඒ කිසිවක් පාසලෙන් බැහැරට ගෙන යෑම නොකළ යුතුය.
- සියළුම ශිෂ්ය ශිෂ්යාවන් තම සහෝදර සහෝදරියන් සේ සලකා ඇසුරු කළ යුතුය.
- පාසලේ දී පවරනු ලබන විෂය හා විෂය සමගාමී බාහිර කටයුතු සියල්ල කලට වේලාවට නිම කළ යුතුය.
- පාසලේ සියලුම ගුරු මහත්ම මහත්මීන්ට අවනත වීම, ගරු කිරීම, ආදරය දැක්වීම කළ යුතුය.
- කිසිම අවස්ථාවක දෙමාපියන් හෝ භාරකරුවන් හැර පිටස්තර පුද්ගලයින් විද්යාලය තුළට කැදවාගෙන ඒම සපුරා තහනම්ය.
- පාසලේ සීනුවට හැම විටම අවනත විය යුතු අතර කාල සටහන අනුව විෂය ඉගනීමේ කටයුතුවල නිරත විය යුතුය.
- පන්ති මාරුවීම, රැස්වීම්වලට පැමිණීම, ක්රීඩා පිටියට පැමිණීම ආදිය කළයුත්තේ පෙළ ගැසීමෙන් අනතුරුවය.
- විවේක කාලය තුල අන් අයට කරදරයක් නොවන අයුරින් හැසිරිය යුතුය.
- පාසලට දිවා ආහාරය රැගෙන එන විට නියමිත භාජනයක ගෙන ආ යුතු අතර, පොලිතීන් සහිත ඇසුරුම් රැගෙන ඒම නොකළ යුතුය.
- ජංගම දුරකථන, ඒ ආශ්රිත උපකරණ ගුරු භවතෙකුගේ අවසරයකින් තොරව රැගෙන ඒම නොකළ යුතුය.
- ඔබගේ අධ්යාපනික හෝ පෞද්ගලික ගැටළු වෙතොත් විදුහල්පතිතුමා ඇතුළු ආචාර්ය මණ්ඩලය සමඟ සාකච්ඡා කිරීමට අවස්ථාව ඇත.
- ඔබ පාසලේ සංස්කෘතිය වහා හඳුනාගෙන ඒ අනුව අනුගතවීම් කළ යුතු අතර විද්යාලයීය විනය පද්ධතිය හා ආචාර ධර්ම අනුගමනය කළ යුතුය.
